ಶಿಕ್ಷ ಕ ನಿರಂತರ ವಿದ್ಯಾರ್ಥಿಯಾಗಿರಬೇಕು, ಜತೆಗೆ ಸಂಶೋಧಕನೂ ಆಗಿರಬೇಕು ಎನ್ನುತ್ತಾರೆ. ಇದಕ್ಕೆ ಸಾಕ್ಷಿ ಎಂಬಂತೆ ಇಲ್ಲೊಬ್ಬ ಶಿಕ್ಷ ಕರು ಕಲಿಸುತ್ತ ಕಲಿಯುವ, ಹೊಸದನ್ನು ಹುಡುಕುತ್ತ ಲಂಬಾಣಿ ಭಾಷೆಗೆ ಲಿಪಿ ಕಂಡುಹಿಡಿಯುವ ಯತ್ನ ಮಾಡಿ ಗಮನ ಸೆಳೆದಿದ್ದಾರೆ.
ಪಟ್ಟಣದ ಪಿಡಿ ಬುದ್ನಿ ಬಡಾವಣೆಯ ಸರಕಾರಿ ಮಾದರಿ ಪ್ರಾಥಮಿಕ ಶಾಲೆ ಮುಖ್ಯಶಿಕ್ಷ ಕ ರೂಪಸಿಂಗ ಲಮಾಣಿ(ದತ್ತಾ) ಎಂಬುವರು ಸತತ 5 ವರ್ಷಗಳ ಸಂಶೋಧನೆಯ ಫಲವಾಗಿ ತಮ್ಮ ಜನಾಂಗದ ಲಂಬಾಣಿ ಭಾಷೆಗೆ ಲಿಪಿಯೊಂದನ್ನು ಸಿದ್ಧಪಡಿಸಿದ್ದಾರೆ.
ರಾಯಬಾಗ ತಾಲೂಕು ಮುಗಳಖೋಡದ ಲಂಬಾಣಿ ತಾಂಡಾ ನಿವಾಸಿಯಾದ ಇವರು, 15 ವರ್ಷಗಳಿಂದ ಪ್ರಾಥಮಿಕ ಶಾಲೆಯ ಹಿಂದಿ ಭಾಷಾ ಶಿಕ್ಷ ಕರು. ಮುಧೋಳ ತಾಲೂಕಿನ ಕುಳಲಿ, ಕೆಸರಕೊಪ್ಪ, ಸೈದಾಪುರ ಶಾಲೆಗಳಲ್ಲಿ ಸೇವೆ ಸಲ್ಲಿಸಿ, ಈ ವರ್ಷ ಮಹಾಲಿಂಗಪುರದ ಪಿಡಿ ಬುದ್ನಿ ಬಡಾವಣೆ ಶಾಲೆಗೆ ಬಂದಿದ್ದಾರೆ. ಇವರ ಸೃಜನಶೀಲತೆಗೆ ಮಕ್ಕಳು ಬೆರಗಾಗಿದ್ದಾರೆ.
ಹಲ ವರ್ಷಗಳ ಕೊರಗು
ಲಂಬಾಣಿ ಆಡುಭಾಷೆ. ಯಾವುದೇ ಸ್ವತಂತ್ರ ಇತಿಹಾಸವಿಲ್ಲ. ಇದು ಆಯಾ ಕ್ರಾಂತಿಯ ಭಾಷೆಗಳ ಪ್ರಭಾವದಿಂದ ಮರಾಠಿ, ಉರ್ದು, ಹಿಂದಿ ಮಿಶ್ರತವಾಗಿ ಮಾತನಾಡುತ್ತಾರೆ. ದೇಶಾದ್ಯಂತ ಅಲ್ಲಲ್ಲಿ ವಾಸಿಸುವ ಲಂಬಾಣಿಗಳು ಆಯಾ ಪ್ರದೇಶದ ಪ್ರಭಾವಿ ಭಾಷೆಯೊಂದಿಗೆ ತಮ್ಮ ಭಾಷೆ ಬೆರೆಸಿ ಸಂವಹನ ಮಾಡುತ್ತಾರೆ. ಇದಕ್ಕೆ ಸ್ವಂತ ಲಿಪಿ ಇಲ್ಲದ್ದರಿಂದ ಭಾಷಾ ಸಾಹಿತ್ಯದ ಕುರುಹು ಇಲ್ಲವೆಂಬ ಕೊರಗು ಹಲ ವರ್ಷಗಳಿಂದ ಇದೆ. ಈಗಾಗಲೇ ಚಿತ್ರದುರ್ಗ ಮತ್ತು ಧಾರವಾಡ ಕಡೆ ಲಿಪಿ ಸಿದ್ಧಪಡಿಸುವ ಯತ್ನ ಕೆಲವರಿಂದ ಆಗಿದೆಯಾದರೂ, ಆ ಲಿಪಿ ತಮಿಳು ಭಾಷೆಯೊಂದಿಗೆ ಮಿಶ್ರಗೊಂಡಿದ್ದರಿಂದ ಆಡು ಭಾಷೆಗೆ ಹೊಂದುತ್ತಿರಲಿಲ್ಲ.
---
ಲಿಪಿ ಬಳಕೆ, ಸಾರ್ವತ್ರೀಕರಣಕ್ಕೆ ಚಿಂತನೆ
ಉತ್ತರ ಕರ್ನಾಟಕ ಮತ್ತು ಉತ್ತರ ಭಾರತದ ಲಂಬಾಣಿಗರು ಹೆಚ್ಚಾಗಿ ಹಿಂದಿ, ಮರಾಠಿ, ಗುಜರಾತಿ ಭಾಷೆ ಸೇರಿಸಿ ಮಾತನಾಡುತ್ತಿರುವುದರಿಂದ ದೇವನಾಗರಿ ಶೈಲಿಯಲ್ಲೇ ಲಂಬಾಣಿಗೊಂದು ಪ್ರತ್ಯೇಕ ಲಿಪಿ ಮಾಡುವ ಯೋಚನೆ ಬಂತು. 5 ವರ್ಷ ಶ್ರಮಪಟ್ಟು ಶೇ.70 ರಷ್ಟು ಹಿಂದಿ ಭಾಷೆ ಹೋಲುವ ನೂತನ ಲಂಬಾಣಿ ಲಿಪಿ ಸಿದ್ಧಗೊಳಿಸಿದ್ದೇನೆ. ಕನ್ನಡದಲ್ಲಿ 15 ಸ್ವರವಿದ್ದರೆ ಲಂಬಾಣಿಯಲ್ಲಿ 13 ಸ್ವರ ಇರುತ್ತವೆ. ಉಳಿದಂತೆ 34 ವ್ಯಂಜನ, ಬಳ್ಳಿ(ಬಾರಾಖಡಿ) ಹಾಗೂ ಸ್ವವ್ಯಂಜನಾಕ್ಷ ರ (ಒತ್ತಕ್ಷ ರ) ಸಿದ್ಧಗೊಳಿಸಿದ್ದೇನೆ. ಸದ್ಯದಲ್ಲೇ ಲಂಬಾಣಿ ವ್ಯಾಕರಣ ಕೂಡ ರಚಿಸುತ್ತೇನೆ. ಈ ವಿಷಯವನ್ನು ಹಂಪಿ ಕನ್ನಡ ವಿವಿಯ ಸಂಶೋಧನಾ ಕೇಂದ್ರಕ್ಕೆ ತಿಳಿಸಿದ್ದೇನೆ. ಲಿಪಿ ಬಳಕೆ ಮತ್ತು ಸಾರ್ವತ್ರೀಕರಣ ಬಗ್ಗೆ ಚಿಂತನೆ ನಡೆಸುವುದಾಗಿ 'ವಿಜಯ ಕರ್ನಾಟಕ'ಕ್ಕೆ ಪಿಡಿ ಬುದ್ನಿ ಪ್ರಾಥಮಿಕ ಶಾಲೆಯ ಮುಖ್ಯಶಿಕ್ಷ ಕ ರೂಪಸಿಂಗ್‌ ಲಮಾಣಿ (ದತ್ತಾ) ತಿಳಿಸಿದ್ದಾರೆ.
---
ಮೊದಲು ಮಿಠಾಯಿ ಮಾರಾಟ..!
ಮೊದಲು ಹೊಟ್ಟೆಪಾಡಿಗೆ ಜಾತ್ರೆ, ಸಂತೆಯಲ್ಲಿ ಮಿಠಾಯಿ ಮಾರಿ ಜೀವನ ಸಾಗಿಸುತ್ತಿದ್ದ ಶಿಕ್ಷಕ ರೂಪಸಿಂಗ್‌, ಐಟಿಸಿ ಮೇಲೆ ಪ್ರಾಥಮಿಕ ಶಾಲೆ ಶಿಕ್ಷ ಕರಾದರು. ಶಾಲೆ 10.30ರಿಂದ ಆರಂಭವಾದರೂ ಬೆಳಗ್ಗೆ 7.30ರಿಂದ ಸಂಜೆ 7ರ ವರೆಗೆ ಶಾಲೆಯಲ್ಲಿರುತ್ತಾರೆ. ಬಿಸಿಯೂಟದ ಹೊರತಾಗಿ ಹೋಟೆಲ್‌ನಲ್ಲಿ ಚಹಾ ಸಹಿತ ಸೇವಿಸದ ನಿವ್ರ್ಯಸನಿ. ವೃತ್ತಿ ಮತ್ತು ಬೋಧನೆಯಲ್ಲಿ ಸೃಜನಶೀಲತೆ ಹೊಂದಿದ ಇವರು ಇತರ ಶಿಕ್ಷ ಕರಿಗೆ ಮಾದರಿಯಾಗಿದ್ದಾರೆ. ಇವರ ಲಿಪಿ ಸಂಶೋಧನೆಯನ್ನು ಸಂಬಂಧಪಟ್ಟವರು ಗುರುತಿಸಿ, ಅಭಿವೃದ್ಧಿಗೆ ಸಹಕರಿಸಬಹದು. ಮೊ. 84949 98489, 81479 14233.
