ಮುಧೋಳ: 7 ದಿನಗಳ ವಿಶೇಷ ಎನ್‍ ಎಸ್ ಎಸ್ ಶಿಬಿರ
ಮುಧೋಳ(ಬಾಗಲಕೋಟೆ): ಬಿವಿವಿ ಸಂಘದ ಶ್ರೀ ಎಸ್.ಆರ್.ಕಂಠಿ ಕಾಲೇಜಿನ ಎನ್‍ಎಸ್‍ಎಸ್ ಹಾಗೂ ಸ್ವ-ಆರ್ಥಿಕ ಘಟಕಗಳ ಸಹಯೋಗದಲ್ಲಿ ಜಂಬಗಿ ಕೆ.ಡಿ ಗ್ರಾಮದಲ್ಲಿ 7 ದಿನಗಳ ವಿಶೇಷ ಸೇವಾ ಶಿಬಿರ ನಡೆಯಿತು. ಜಂಬಗಿಯ ರಾಜಶೇಖರದೇವರು ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದರು. ವಿದ್ಯಾರ್ಥಿಗಳ ಸರ್ವಾಂಗೀಣ ಅಭಿವೃದ್ಧಿಗೆ ರಾಷ್ಟ್ರೀಯ ಸೇವಾ ಯೋಜನೆಯ ವಿಶೇಷ ಶಿಬಿರ ಪೂರಕವಾಗಲಿದೆ. ಗ್ರಾಮೀಣ ಹಾಗೂ ನಗರ ಪ್ರದೇಶದ ವಿದ್ಯಾರ್ಥಿಗಳು ಕೂಡಿ ಶ್ರಮದಾನದಲ್ಲಿ ಭಾಗವಹಿಸಿರುವುದು ವಿಶೇಷ ಸಂಗತಿ ಎಂದರು.
ಜಿ.ಪಂ.ಸದಸ್ಯೆ ರತ್ನಕ್ಕಾ ಆರ್.ತಳೇವಾಡ ಮಾತನಾಡಿ 7 ದಿನಗಳ ವಿಶೇಷ ಎನ್‍ಎಸ್‍ಎಸ್ ಶಿಬಿರವು ಯಶಸ್ವಿಯಾಗಲೆಂದು ಶುಭ ಹಾರೈಸಿದರು.ಪಿಕೆಪಿಎಸ್ ಅಧ್ಯಕ್ಷ ಲಕ್ಷ್ಮಣ ಎಸ್.ತಳೇವಾಡ, ಬಸವರಾಜ ಚಿಕ್ಕೂರ, ಗ್ರಾಪಂ ಅಧ್ಯಕ್ಷೆ ಶಾಂತಾ ಜುರಜನ್ನವರ, ಮಲ್ಲಪ್ಪ ಗಡ್ಡಿ, ಹಣಮಂತಗೌಡ ಪಾಟೀಲ, ಯಂಕನಗೌಡ ಪಾಟೀಲ, ಸಿದ್ದು ಆರ್.ತಳೇವಾಡ, ಪ್ರೊ.ಆರ್.ಆರ್.ಮಾಲಿಪಾಟೀಲ ಉಪಸ್ಥಿತರಿದ್ದರು