ಯುಗಾದಿಯ ಶುಭ ದಿನದಂದು ಕಿಚ್ಚ ಸುದೀಪ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಪೈಲ್ವಾನ್ ಸದ್ದಿಲ್ಲದೆ ಸೆಟ್ಟೇರಿದೆ. ಬ್ಲಾಕ್ ಬಸ್ಟರ್ ಹೆಬ್ಬುಲಿ ಸಿನಿಮಾ ನೀಡಿದ್ದ ಕಿಚ್ಚ ಸುದೀಪ ಹಾಗೂ ಕ್ಯಾಮರಾಮನ್ ಕೃಷ್ಣ ಕಾಂಬಿನೇಷನ್ನಲ್ಲಿ ಬರ್ತಾ ಇರೋ ಪೈಲ್ವಾನ್ ಸಿನಿಮಾದ ಮೂಹೂರ್ತ ಇಂದು ನಡೆದಿದೆ. ಬೆಂಗಳೂರಿನ ರಾಗಿಗುಡ್ಡ ಆಂಜನೇಯ ದೇವಸ್ಥಾನದಲ್ಲಿ ಸರಳವಾಗಿ ನಡೆದ ಮುಹೂರ್ತ ಸಮಾರಂಭದಲ್ಲಿ ಕಿಚ್ಚ ಸುದೀಪ ಜೊತೆಗೆ ಸಿನಿಮಾ ಟೀಮ್, ಕಿಚ್ಚ ಪತ್ನಿ ಪ್ರಿಯಾ ಇದ್ರು.. ಪ್ರಿಯಾ ಸುದೀಪ ಮೊದಲ ಸೀನ್ಗೆ ಕ್ಲಾಪ್ ಮಾಡಿದ್ರೆ, ಈ ಚಿತ್ರದ ನಿರ್ಮಾಪಕಿ ಸ್ವಪ್ನ ಕೃಷ್ಣ ಕ್ಯಾಮರಾ ಚಾಲನೆ ಮಾಡಿದ್ದಾರೆ. ಇದೇ ಮೊದಲ ಬಾರಿಗೆ ಕಿಚ್ಚ ಕುಸ್ತಿ ಪೈಲ್ವಾನನಾಗಿ ತೆರೆಗೆ ಬರ್ತಾ ಇರೊ ಸಿನಿಮಾ ಇದು.
ಯುಗಾದಿಯಿಂದ ಪೈಲ್ವಾನ್ ಯುಗಾರಂಭ..
ಅಭಿನಯ ಚಕ್ರವರ್ತಿ ಕೆಚ್ಚೆದೆಯ ಕಿಚ್ಚ ಸುದೀಪ ಸಿನಿಮಾಕ್ಕಾಗಿ ಈಗಾಗ್ಲೆ ಸಖತ್ತಾಗಿ ವರ್ಕ್ಔಟ್ ನಡೆಸಿದ್ದು. ರಿಲೀಸ್ ಆಗಿರೋ ಪೋಸ್ಟರ್ಗಳು ಹವಾ ಕ್ರಿಯೇಟ್ ಮಾಡಿವೆ. ಎ ಫೈಟ್ ಫಾರ್ ಲೈಫ್ ಅಂತ ಸಬ್ಟೈಟಲ್ ಇರೋ ಪೈಲ್ವಾನ್ ಸಿನಿಮಾ ಸದ್ಯ ಸೆಟ್ಟೇರಿದ್ದು, ಶೀಘ್ರದಲ್ಲೇ ಸಿನಿಮಾ ಶೂಟಿಂಗ್ ಹಾಗೂ ಸ್ಟಾರ್ಕಾಸ್ಟ್ನ ಬಗ್ಗೆ ಡಿಟೈಲ್ಸ್ ಹೊರಬೀಳಲಿದೆ. ಆರ್ಆರ್ಆರ್ಮೋಷನ್ ಪಿಕ್ಚರ್ಸ್ ಬ್ಯಾನರ್ನಲ್ಲಿ ನಿರ್ದೇಶಕ ಕೃಷ್ಣ ತಮ್ಮ ಹೋಮ್ ಬ್ಯಾನರ್ನಲ್ಲಿ ನಿರ್ಮಾಣ ಮಾಡ್ತಾ ಇರೋ ಸಿನಿಮಾ ಪೈಲ್ವಾನ್. ಈ ಮೂಲಕ ಕಿಚ್ಚ ಸುದೀಪ, ಬಿಗ್ ಸ್ಟಾರ್ ಜೊತೆಗೆ ಸಿನಿಮಾ ನಿರ್ಮಾಣಕ್ಕೆ ಎಂಟ್ರಿ ಕೊಡಬೇಕು ಅಂತಿದ್ದ ಕೃಷ್ಣ ಕನಸು ನನಸು ಮಾಡಿದ್ದಾರೆ
